Një ishull në Finlandë i quajtur Ulko-Tammio dëshiron të bëhet ishulli i pare në botë pa telefona celularë, sipas CNN.
Për shumicën e përdoruesve të mediave sociale, kjo tingëllon si një ëndërr, por parimet e ishullit janë të qarta. Ata duan të inkurajojnë të ftuarit të kalojnë kohë pa pajisjet e tyre elektronike.
Nëse nuk i postoni pushimet tuaja në rrjetet sociale, ndoshta do të kaloni një kohë më të mirë pasi askush nuk do ta dijë çdo lëvizje tuaj, siç pretendojnë autoritetet e ishullit finlandez.
Mund të jetë e vështirë për disa që të mos lexojnë emailet e tyre të punës dhe t’i rezistojnë përditësimit të llogarive të tyre në mediat sociale gjatë pushimeve, por ishulli Ulko-Tammio në Finlandë i inkurajon vizitorët të injorojnë ekranet e tyre dhe të shijojnë natyrën.
Ishulli është një park kombëtar në Finlandë që ka fituar titullin e “vendit më të lumtur në botë” për gjashtë vjet radhazi.
Përveç kësaj, është gjithashtu shtëpia e Nokia, kompania që qëndron pas telefonave celularë më të shitur në botë.
“Ishulli Ulko-Tammio, i cili është në brigjet e Hamina, do të jetë një zonë pa telefona këtë verë,” sipas Mats Selin, një ekspert i turizmit në faqen e internetit “Visit Kotka-Hamina”, thotë CNN.
“Ne duam të inkurajojmë pushuesit që të fikin “pajisjet e tyre inteligjente dhe të shijojnë vërtet ishullin”, shton Celine.
‘Ulko-Tammio’ është një nga 41 parqet kombëtare në vendin nordik, i cili nuk është i banuar, por është shtëpia e shumë zogjve dhe bimëve të rralla, të cilat vizitorët mund t’i dallojnë duke ecur përgjatë shtigjeve natyrore të ishullit ose nga kulla e vëzhgimit të shpendëve.
Pjesëmarrja në “detox-in dixhital” për turistët në Ulko-Tammio është fakultative pasi ishulli është i mbuluar nga një rrjet celular funksional, ndaj zgjedhja do të jetë në duar të turistëve si duan t’i kalojnë pushimet.
Megjithatë, stafi i Parks & Wildlife Finland, i kompanisë që menaxhon ishullin, shpreson se fushata do të rezultojë në shkëputjen e turistëve nga teknologjia dhe do të kenë kontakt me florën, faunën dhe vizitorët e tjerë.
Për akomodimin e vizitorëve që kanë vendosur të bëjnë një “detox dixhital”, janë në dispozicion tenda apo një kasolle e mirëmbajtur nga stafi i kompanisë “Parks & Wildlife Finland”.
Për të interesuarit për të vizituar ishullin turistik “Ulko-Tammio”, turistët duhet të dinë se për të arritur atje do të duhet të përdorin një varkë apo traget, informon rrjeti amerikan.
