Janë sulmuar gazetarët në Leposaviq nga protestuesit serbë, ku është lënduar kameramani i Tëvë1, Albin Rrahmani, raporton teve1.info
Gazetari i tëvë1 Arton Rama që po raporton në këtë pjesë bashkë me kameramanin Albin Rrahmani, ka deklaruar se protestuesit i kanë gjuajtur me gurë ekipet e medieve, Tëvë1, RTV Dukagjini, RTK, Klan Kosova dhe KTV.
Këtë sulm e ka treguar edhe gazetarja e RTK-së, Venera Xhoxhaj.
“Na kanë gjuajtur me gurë, disa kolegë derisa kanë qenë duke u larguar, janë rrëzuar, dhe kameramanit tonë, Bardh Bekteshi, e kanë shtyrë duke e rrëzuar pastaj edhe sulmuar fizikisht duke i shkaktuar lëndime në kokë dhe trup”, ka thënë ai.
Protestuesit serbë në Leposaviq kanë gjuajtur me shok-bomba në drejtim të gazetarëve, ndërsa këto veprime i bënë derisa ministri Elbert Krasniqi po largohej nga objekti komunal me veturë.
