Raportuesja për Kosovën në Parlamentin Evropian, Viola von Cramon ka reaguar pas kidnapimit të djeshëm të tre policëve kufitarë nga ana e shtetit serb.
Von Cramon ka thënë se është e paligjshme të hysh në territorin e Kosovës me polici speciale dhe të lidhësh policët kufitarë si kriminelë lufte.
“Çfarë bëjnë autokratët kur janë nën presion brenda vendit? Ata kërkojnë mënyra dhe mjete për të larguar vëmendjen nga problemet në shtëpi. Një rast klasik i kësaj duket të jetë incidenti i djeshëm në zonën kufitare mes Kosovës dhe Serbisë. Protestat e rrugës vendase të Vuçiqit në Beograd duket se janë një nga arsyet kryesore të trajtimit krejtësisht të tepruar dhe të papërshtatshëm të tre rojeve kufitare nga Kosova. Sipas informacioneve në dispozicion, zyrtarët e Policisë Kufitare të Kosovës nuk kanë lëvizur me veturat e tyre, por me sa duket në këmbë në korridorin 1000 metra deri në kufirin serb. Edhe nëse ky operacion do të paralajmërohej, është e paligjshme të hysh në territorin e Kosovës me forcat speciale të policisë serbe dhe të lidhësh policët si kriminelë lufte, t’i çosh në Beograd dhe t’i arrestosh ata atje”, ka shkruar ajo.
Teksa ka kërkuar lirimin e menjëhershëm të policëve nga ana e Serbisë dhe heqjen e ndalimit të importit nga Serbia.
“Duke u përgatitur për t’u bërë anëtar i BE-së, Serbia duhet të ndjekë sundimin e Ligjit, respektojë marrëveshjet dhe të lirojë policët sa më shpejtë. Në rrjedhën e një de-përshkallëzimi të mëtejshëm, ndalimi i njëanshëm i importit nga #Serbia i vendosur nga #Kosova gjithashtu duhet të hiqet”, ka shkruar ajo./teve1.info./
