Xhengis Rexhepi është larguar nga Liria e Prizrenit, ekip që e riktheu në Superligën e Kosovës në futbolli për edicionin 2023/24.
Liria, të martën ka njoftuar se ka ndarë rrugët me Rexhepin, të cilit i ka skaduar kontrata me klubin.
Klubi prizrenas ka falënderuar Rexhepin për punën dhe edicionin e suksesshëm që e patën nën drejtimin e tij.
Rexhepi verën e shkuar mori drejtimin e Lirisë, të cilës ia siguroi kthimin në elitën e futbollit kosovar nëpërmjet barazhit pas katër vjetësh.
“Me inkuadrimin në Superligë, Liria dhe trajneri Xhengis Rexhepi, kanë ndarë rrugët. Kontrata e klubit me trajnerin, ka qenë deri në përfundim të stinorit, që zyrtarët e vlerësojnë të suksesshëm. Klubi, e falënderon për punën profesionale dhe suksesin e arritur”, ka shkruar Liria.
