“Lejimi i këtyre zgjedhjeve në Kosovë konsiston me shkeljen e Kushtetutës së vendit dhe rendit kushtetues. E kemi kritikuar si praktikë që ka qenë e gabueshme prandaj në këtë rast unë konsideroj që Kosova duhet të ndihet shumë rehat që të mos pranoj këtë mbajtjen ose tentimin për të gjetur zgjidhje sikur mbledhja e votave nëpër pika të ngjashme”, ka thënë Maloku
Më tej ai ka shtuar se Kosova nuk ka nevojë të bëj asnjë lloj manovrimi, qoftë zgjedhje apo terminologji kreative për ta përshkruar këtë situatë ose këtë gjendje e cila mundet me ardhë më 3 prill.
“Zgjedhjet e 3 prillit që priten të mbahen në Serbi , Republika e Kosovës e ka një vendim të qeverisë dhe një rezolutë të Kuvendit të 15 shkurtit faktikisht kur ishin zgjedhjet për referendumin pra duhet ta respektoj atë. Pra qytetarët me dy shtetësi duhet t’u lejoj patjetër se kjo është e lejuar dhe është praktikë që ndodhë gjithandej dhe të hapen në zyrën ndërlidhëse të Serbisë në Prishtinë, të ketë qendër votimi pse përmes postës ose duke kaluar në territorin Serbisë, po flas për qytetarët që i kanë dy nënshtetësi”, është shprehur Maloku sonte në Tëvë1.
