Premiera e filmave “Heshtja Vret” dhe “I Pabesi” nuk do të mbahen tw shtunwn në shtëpinë e kulturës në komunën e Bujanocit.
Ata janë anuluar nga policia serbe, me qenë se gjatë së premtes, pa asnjë paralajmërim kanë shoqëruar për në stacionin policor drejtorin e shtëpisë së kulturës, Jetmir Ismaili.
Për tri orë, Ismaili bashkë me aktorin e këtyre filmave, Gani Veseli, u morën në pyetje në stacionin e policisë së kësaj komune.
Ai tregon se për këtë ngjarje nuk kishte paralajmërim.
Nga ana tjetër, aktori i pesë filmave të financuar nga Republika e Kosovës, Gani Veseli tregon se ky anulim ka ardhur për shkak të një letre anonime.
Sipas Veselit, ditëve në vazhdim do të njoftohen se a do të shfaqen filmat.
Nga ana tjetër, kryetari i Këshillit Nacional Shqiptar, Nevzad Lutfiu thotë se kjo gjë ka qenë shqetësuese për të.
Sipas Lutfiut, do të ndjekin të gjithë rrugët ligjore në vazhdim.
Këta filma, janë financuar nga Qeveria e Kosovës nëpërmjet Këshillit Nacional Shqiptar.
Këta dy filma, nuk u lejuan të mbahen as në Shtëpinë e Kulturës së Komunës së Preshevës.
Kronika e realizuar nga gazetarja Fetije Kamberi
