“Kosova nuk do të bëjë asgjë për t’ia ndaluar dikujt të drejtën e votës, por nuk do të lejojë të mbahen zgjedhjet të cilat nuk janë të askujt edhe nuk kanë asnjë përgjegjësi ndaj procesit zgjedhor sepse kjo në shtetin tonë bëhet sipas ligjeve të Kosovës edhe në deklaratën e fundit të Komisionit të përbashkët të zbatimit të marrëveshjes së Stabilizim Asocimit ndërmjet Parlamentit të Kosovës dhe Parlamentit Evropian, deklaratë e nënshkruar dhe e votuar është që çdo proces zgjedhor që mbahet në Kosovë, bëhet sipas rregullave dhe ligjeve të Kosovës”, është shprehur Abazi.
I ftuar në emisionin “ Ditari”, në Tëvë1, Deputeti i Vetëvendosjes, Haki Abazi në lidhje me mbajtjen e procesit zgjedhor të Serbisë, ka thënë se shteti serb duhet të dërgojë një kërkesë për të lejuar organizimin e zgjedhjeve dhe ajo të bëhet në bazë të një modaliteti që është i pranueshëm për mundësinë e një procesi korrekt e të kontrolluar zgjedhor.
“Ne vendosim për vendin tonë ndërsa Serbia nuk mund të vendos për vendin tonë e modalitetin se si. Ne kemi bërë një mundësi gjeneroze që Serbia të dërgojë një kërkesë për të lejuar organizimin e zgjedhjeve dhe ajo të bëhet në bazë të një modaliteti që është i pranueshëm për mundësinë e një procesi korrekt e të kontrolluar zgjedhor. Nëse nuk ndodhë ajo, ekzistojnë mundësitë e tjera”, është shprehur Abazi.