Në një deklarim për media, Tahiri ka ftuar kryeministrin, Albin Kurti dhe ministrën e Punëve të Jashtme, Donika Gërvalla, që të ballafaqohen me deputetët e opozitës, raporton teve1.info
“Grupi jonë parlamentar edhe ditëve të fundit ka nxjerrë një mori vërejtjesh sa i përket mosangazhimit të Qeverisë në politikën e jashtme. Dështimit, degradimit dhe besoj që është mirë që edhe Kurti e Gërvalla të vinë dhe të ballafaqohen me argumentet e deputetëve të opozitës”, tha Tahiri.
Tutje Tahiri ka deklaruar se PDK-ja do të prezantojë kërkesën për themelimin e një Komisioni hetimor për çështjen e energjisë elektike.
“PDK-ja po ashtu do të prezantojë kërkesën për themelimin e një Komisioni hetimor sa i përket çështjes së ngritjes së energjisë elektrike. Ky proces besoj se është shoqëruar me shumë parregullsi”, tha tutje ai.
