Kërkesat e SHBA-së dhe BE-së drejtuar Qeverisë së Kosovës pas tensionimit të situatës në veri, zgjedhje të jashtëzakonshme në veri, kthimin e serbëve në institucione dhe hapa të menjëhershëm për formim të Asociacionit të komunave me shumicë serbe, janë vështirë të realizueshme në formën si kanë ardhur, si ultimatum.
Kështu vlerëson, Astrit Istrefi drejtor ekzekutiv në Forumin Ballkanik
Ai ka thënë se do duhet një periudhë për zbatimin e tyre, e cila sipas tij nuk do të kalojë përsëri pa tensione.
“Nuk besoj që do të jetë e mundur të realizohen si janë bërë kërkesat në formë ultimatumi,por do të jetë një proces që gradualisht do të sjellë te përmbushja e tyre për një periudhë kohore e cila nuk do të kalojë pa tensione përsëri. Njëherë për njëherë do të ketë ulje të tensioneve. Nuk janë kërkesa të thjeshta dhe nuk duket që Qeveria jonë ka gatishmëri në plotësimin e tyre në formën siç janë bërë”, ka thënë ai në emisionin “Ditari” në Tëvë1.
Istrefi duke folur për mundësinë e zgjedhjeve të reja në veri dhe mënyrat se do të vije deri të ato, ka thënë se asnjëra nuk është e duhur. Madje sipas tij, mbajtja e zgjedhjeve është gabim.
“Nëse sot kërkohet ose arrihet pajtueshmëri për mbajtjen zgjedhjeve të reja ajo do të nënkuptojë që kryetarët në veri do të mund të vihen në presion drejtpërdrejt për dorëheqje, do të vihen në presion nga partitë e tyre, ose do të vije nga ndonjë lëvizje prej qytetarëve. Të tijat janë gabim. Nuk besoj se do duhej të vihej deri këtu, mbasi të pajtohen për shtensionim të situatës edhe për gjetje të zgjidhjes sa i përket funksione aktuale në veri por të kërkohet ose të arrihet pajtueshmëri për zgjedhje të reja, sepse nënkupton shkelje të ligjit”, tha ai.
