Pa gola është mbyllur loja e rregulltë e barazhit të Superligës së Kosovës në futboll ndërmjet Ferizajt dhe Lirisë. Derisa fituesi tani do të përcakëtohet nëpërmjet vazhdimeve, nëse edhe në vazhdime nuk ka fitues atëherë vendimtar do të jenë penalltitë.
Ky ballafaqim po luhet në stadiumin “Zahir Pajaziti” në Podujevë, para një numri të madh shikuesish. Në minutat e fundit kanë provuar si Liria ashtu edhe Ferizaj. Rastin më të mirë e kishte Liridon Fetahaj i Lirisë në minutën e 91-të. Por pritje mjeshtërore bëri portieri i Ferizajt, Marko Jovanovski. Derisa te Ferizaj rrezikoi Edon Sadriu nga shërbim i mirë i Bujar Shabanit, por gjuajtja e tij ishte qëndrore.
Ferizaj kërkon mbetjen në elitë pasi përfundoi në vendin e tetë në Superligë në sezonin e rregullt, kurse Liria synon rikthimin në Superligë pas katër vjetësh.
