Dy persona kanë mbetur të lënduar sot pas një gjuajtje me armë zjarri në Fushë – Kosovë.
Lajmin për tëvë1.info e ka konfirmuar zëdhënësja e Policisë, Flora Ahmeti.
Sipas saj, Policia ka dalë menjëherë në vendin e ngjarjes me ç’rast është arrestuar një person i dyshuar për gjuajtje .
Teksa tha se është sekuestruar edhe armën e cila është gjendur në vendin e ngjarjes.
“Rreth orës 16:00, policia ka marrë informatën për të shtëna me armë në rrugën e Pjeës në Fushë Kosovë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet e para raportohet për dy persona të lënduar, në dyshohet të ketë marrë lëndime nga arma e zjarrit. Zyrtarët policor kanë identifikuar dhe arrestuar një person të dyshuar dhe ka sekuestruar një armë zjarri . Aktualisht në koordinim me prokurorinë, ndërmarrin veprimet hetimore për ndriçimin e plotë të rastit”, tha Ahmeti./teve1.info./
