Emisari i BE-së për dialogun Kosovë-Serbi, Miroslav Lajçak, ka thënë se gjatë dy ditëve pjesëmarrje në forumin GLOBSEC në Bratisllavë, ka diskutuar me akterë të shumtë për tensionet në veri të Kosovës.
Pas takimit me kryeministrin Kurti, ai ka thënë se një zgjidhje politike e situatës është urgjente.
“Gjatë dy ditëve të fundit, mora pjesë në GLOBSEC. Gjatë takimeve dhe bisedave të mia të shumta kam diskutuar për situatën në Ballkanin Perëndimor, në veçanti për tensionet dhe përshkallëzimin në veri të Kosovës. Ne kemi nevojë urgjente për një zgjidhje politike. Dhuna nuk është e pranueshme”, ka shkruar Lajçak.
