Ylli i Kosovës, Milot Rashica me ekipin e Galatasaray u shpall këtë të martë kampion në Superligën e Turqisë për sezonin 2022/23. Skuadra e drejtuar nga Okan Buruk shënoi fitore sonte në udhëtim ndaj Ankaragucu me rezultatin 1:4, për të siguruar edhe matematikisht titullin.
Milot Rashica u paraqit në këtë ndeshje për 79 minuta, teksa regjistroi një asistim. Reprezentuesi i Kosovës ka bërë një postim në faqen e tij zyrtare në “Facebook”, të cilin e shoqëroi me disa fotografi ku shihet me flamurin e Kosovë.
“PO E BËMË. NE JEMI KAMPIONËT”, shkroi Rashica.
Për Galatasarayn është ky titulli i 23-të në histori të klubit.