Njohësi i sigurisë, Valdet Hoxha, vlerësoi që të paktën presidentja e vendit, Vjosa Osmani, duhet të jetë në kontakt me ambasadorin amerikan, Jeffrey Hovenier, për t’i menduar së bashku racionalisht tensionimet në veri të Mitrovicës.
Madje sipas tij, brenda dy jave do të ketë qetësim të situatës në komunat veriore.
“Nëse jo kryeministri Albin Kurti, atëherë presidentja e vendit, Vjosa Osmani, duhet të jetë në kontakt me ambasadorin e Amerikës, Jeffrey Hovenier, për ta menduar racionalisht këtë punë. I kemi tre njësi operative të gatshme për të menaxhuar turmat. Nuk duhet të ushqehemi me patriotizma të rrejshëm. Nuk do të ketë eskalim të situatës, unë po besoj që brenda dy jave do të ketë qetësim të situatës, sepse me këto deklarime të zyrtarëve të lartë amerikanë, me fillimin e vendosjes së sanksioneve, nuk ka qeveri i çdo shteti të konsileduar që do ta përballonte këtë, e lë më Kosova”, deklaroi Hoxha në emisionin “Këndi i Debatit” në Tëvë1.