700 trupa shtesë nga Forca Operacionale Rezervë për Ballkanin Perëndimor do të dislokohen në Kosovë, pas përshkallëzimit të situatës në veri të Kosovës.
NATO të martën ka bërë të ditur se ka marrë vendim për dërgimin e trupave shtesë.
Ndërsa, Sekretari i NATO-s Jens Stoltenberg konfirmoi numrin e ushtarëve shtesë që do të vijnë në Kosovë.
“Ne do të vazhdojmë të veprojmë sipas mandatit që buron nga OKB-ja. Ne kemi vendosur të dislokojmë 700 trupa shtesë nga Forca Operacionale Rezervë për Ballkanin Perëndimor. Po ashtu kemi vendosur në gatishmëri një batalion shtesë, që të zhvendoset nëse duhet. Këto janë hapa për të garantuar se KFOR-i ka forcën dhe aftësinë për të vepruar sipas mandatit që e ka, tha ai në një konferncë të përbashkët për media me kryeministrin e Norvegjisë.
Stoltenberg tha se dhuna kthen Kosovën prapa dhe gjithë rajonin.
“Dhuna kthen Kosovën prapa e po ashtu të gjithë rajonin. I vendos në rrezik aspiratat euroatlantike. Prishtina dhe Beogradi duhet të marrin hapa konkret për t’i ulur tensionet. Të frenohen nga veprimet e papërgjegjshme e të angazhohen në dialogun e lehtësuar nga BE-ja, që është rruga e vetme”, ka thënë Stoltenberg”, ka thënë ai.
