Kreu i AAK-së, Ramush Haradinaj ka thënë se përjashtimi i Kosovës nga ‘Defender Europe’ është alarm për sigurinë nacionale të vendit.
Sipas tij, kryeministri Albin Kurti po tenton ta rrëzojë aleancën dhe miqësinë e Kosovës me ShBA-në.
“Ka pasur edhe të tjerë në historinë tonë që kanë dashur t’i përmbysin këto aleanca, por Kosova ka qenë më e madhe se sa vogëlsia e tyre dhe ka triumfuar. Ajo nuk ka alternativë tjetër përpos të triumfojë edhe këtë here”, ka shkruar Haradinaj.
Tutje ai ka shkruar se Kurti është i vogël që t’ia ndërrojë Kosovës orientimin properëndimor, duke shtuar se duhet të japë dorëheqje.
“Ai e ka vetëm një shans, që njëherë në jetën e tij t’ia bëjë një të mirë Kosovës! Të japë dorëheqje qysh sot!”, ka shkruar Haradinaj.
