Protestuesit serbë në komunën e Zveçanit të prirë nga ish-kryetari i Kuvendit Komunal të Zveçanit, Sërgjan Millosavleviq, kanë kërkuar tërheqjen e Njësisë Speciale dhe lirimin e dy protestuesve, në të kundërtën kanë paralajmëruar protestë masive të mërkurën, raporton teve1.info
Gazetari i Teve1, Arton Rama, tha se protesta gjatë gjithë ditës ka qenë kryesisht e qetë, mirëpo në orët e pasdites protestuesit i kanë sulmuar gazetarët dhe pajisjet e tyre të punës si dhe pjesëtarët e KFOR-it dhe EULEX-it.
“Në numër më të vogël se dje, të martën protestuesit gjatë gjtihë ditës kanë protestuar qetë për dallim nga minutat e fundit kur kanë shkaktuar incidente duke sulmuar veturën e kanal10. Ish udhëheqësit e serbëve në Kosovë, Goran Rakiq dhe Igor Simiq po vazhdojnë të qëndrojnë pranë protestuesve në Zveqan, anipse nuk kanë pranuar të flasin. Në emër të tyre ka folur ish-kryetari i Kuvendit Komunal të Zveçanit, Sërgjan Millosavleviq, i cili u ka bërë thirrje protestuesve të qëndrojnë deri në orën 16:00. Ndërkohë i ka pas dy kërkesa, tërheqjen e Njësisë Speciale të Policisë së Kosovës dhe lirimin e dy të arrestuarve, në të kundërtën ka paralajmëruar se do të ketë protestë masive nga ora 7:00 e mëngjesit në ditën e mërkurë”, ka deklaruar Rama.