Protestuesit serbë edhe sot po vazhdojnë të dëmtojnë veturat e mediumeve të ndryshme në vend, e kësaj here kanë dëmtuar edhe veturat e mediave të Shqipërisë.
Ekipi i Tëvë1, ka raportuar se këtë here i’u dëmtua vetura e mediumit A2 dhe ajo e Panoramës të Shqipërisë në Leposaviq.
Ndryshe, sot gjatë ditës persona të maskuar kanë thyer edhe kamerën e Tëvë1, teksa gazetarët janë sulmuar me gjësende të forta në Leposaviq.
Po ashtu AGK-ja ka raportuar se sot është vandalizuar vetura e Kanal 10 dhe është dëmtuar vetura e ATV-së.
Ndërsa gjatë natës është dëmtuar edhe vetura e Kohës dhe T7, ku janë thyer xhamat e janë shënuar simbole nacionaliste.
Kurse, AGK-ja për dëmtimin e veturave të mediave të Shqipërisë, ka deklaruar se gjatë sulmit të dyja ekipet kanë qenë brenda veturave por nuk ka të lënduar.
Gazetarët kanë pohuar se megjithëse trupat e KFOR-it kanë qenë në vendin e ngjarjes, përpos që nuk kanë reaguar, ata edhe janë larguar direkt nga aty pa ndërmarrë ndonjë masë e cila do t’iu siguronte mbrojtje ekipeve, tashmë të sulmuara.
AGK-ja ka bërë thirrje trupav paqeruajtës të sigurojnë ambient të sigurt për raportim, teksa ka ftuar edhe gazetarët që të tregojnë kujdes të shtuar sepse sipas AGK-së, gazetarëve nuk po i’u garantohet siguri në asnjë moment.
