Sergjan Milosavljeviq, ish-kryesues i Kuvendit Komunal në Zveçan, ka kërkuar nga protestuesit serbë që të jenë të qetë gjatë ditës së sotme.
Ai ka përsëritur kërkesat për tërheqjen e Njësisë Speciale nga veriu dhe lirimin e dy personave që u arrestuan dje në protestë, përcjell teve1.info
Milosavljeviq përsëriti se nëse kërkesat e tyre nuk plotësohen, atëherë nesër nga ora 07:00 në mëngjes, do të protestojnë në numër më të madh.
Edhe gjatë ditës së sotme në komunën e Zveçanit është duke vazhduar protesta e qytetarëve serbë.
Kryetari i Zveçanit nga radhët e Partisë Demokratike të Kosovës, Ilir Peci ka deklaruar për Tëvë 1 se është e pamundur që të vazhdohet puna në Komunën e Zveçanit, teksa shtoi se e kanë parë të arsyeshme që punën sot ta fillojnë në zyrën për komunitete në fshatin Lipë. /Teve1.info/
Kryetari i Zveçanit: Është e pamundur që të vazhdohet puna në Komunë për shkak të situatës
