Në Qendrën Korrektuese të Dubravës sot ka filluar truniri në futboll të vogël.
Sipas njoftimit, turniri u organizua në fushën e kësaj qendre, ku do të marrin pjesë rreth 190 të burgosur nga të gjitha pavijonet, përcjell teve1.info
“Organizatorët e turnirit në Qendrën Korrektuese të Dubravës po synojnë që me aktivitete të tilla sportive të kontribuojë në rritjen e vetëdijes së të burgosurve për rëndësinë e respektit dhe tolerancës në një mjedis të përbashkët. SHKK në vazhdimësi organizon aktivitete sportive të ngjashme brenda institucioneve korrektuese, duke i konsideruar aktivitete sportive si një mjet efektiv për përmirësimin e klimës së përgjithshme dhe zhvillimin personal të të burgosurve. Organizimi i këtij turniri më së miri tregon përkushtimin e SHKK-së ndaj rikthimit të të burgosurve në shoqëri, duke iu ofruar mundësi të mira dhe përmirësimin e marrëdhënieve shoqërore. Po ashtu, ky është një hap shumë i rëndësishëm drejt rehabilitimit dhe reintegrimit të të burgosurve në shoqëri”, bëhet e ditur në njoftim.
