Ish-kryenegociatorja e Kosovës në dialogun Kosovë-Serbi, Edita Tahiri ka komentuar gjendjen aktuale në veri të vendit. Ajo ka thënë se dhuna në veri nga presidenti i Serbisë, Aleksandër Vuçiq dhe njerëzit e tij kriminel ka synim Trepçën dhe Ujmanin, raporton teve1.info
Sipas saj, skenari i Vuçiqit është që Asociacioni të ketë kompetenca ekzekutive mbi pasuritë minerale dhe ujin në veri të Kosovës.
Madje Tahiri ka thënë se, sa ishte kryenegociatore Serbia ka shfaqur vazhdimisht tendenca ndaj pasiruve strategjike dhe gjeopolitike të Kosovës.
“Dhuna në veri nga Vuçiqi dhe njerëzit e tij kriminel ka për synim Trepçen dhe Ujmanin, skenari i tij është që asociacioni të ketë kompetenca ekzekutive mbi pasuritë minerale dhe ujin në veri. Gjatë shtatë viteve të negociatave në Bruksel kur isha kryenegociatore Serbia ka shfaqur vazhdimisht tendenca ndaj këtyre pasurive strategjike dhe gjeopolitike të Kosovës, por nuk i kam lënë ta hapin gojen”, ka shkruar Tahiri në Facebook.
