Punëtorët e Komunës së Zveçanit sot në mëngjes janë mbledhur para objektit të atij institucioni për të kërkuar kthimin në vendet e tyre të punës.
Anëtarët e kontingjentit polak të KFOR-it ngritën një gardh rreth pesëdhjetë metra larg komunës dhe formuan një kordon.
Ata janë të pajisur me mburoja dhe pajisje për të shpërbërë demonstratat, kurse pas ushtarëve të KFOR-it janë forcat speciale të Policisë së Kosovës me disa autoblinda.
Situata në Zveçan për momentin është e qetë, fëmijët edhe sot në mëngjes nuk janë në shkollë, ndërsa sot në mëngjes janë hapur disa dyqane me ushqime elementare.
Ndërkohë, para objektit të Komunës së Zubin Potokut, serbët kanë vendosur tenda.
Disa serbë që tashmë janë mbledhur para komunës së Zubin Potokut, kanë ngritur disa tenda në mes të rrugës.
Përveç kësaj ata në shtyllat elektrike që ndodhen para komunës kanë vendosur edhe flamuj serbë.
Aty ndodhen trupat e KFOR-it të cilët që nga mëngjesi kanë barrikaduar objektin e komunës.
Aty ndodhet edhe Policia e Kosovës./EO/
