Kryeredaktori i Tëvë1, Zijadin Gashi ka thënë se Beogradi po tenton që përmes sulmeve dhe shantazhimeve ndaj gazetarëve të mos krijojë kushte për punë.
Madje sipas Gashit, ky ka qenë qëllimi i tyre që nga vitet 1999, që gazetarët shqiptarë të mos depërtojnë tutje urës së Ibrit, për të raportuar mbi gjendjen reale në atë pjesë.
“Ajo që e kam vërejtë dmth është se si dikush që ka përcjellë edhe ngjarjet edhe pas luftës, ku kjo pjesë gjithmonë ka qenë e veçantë në Kosovë që nga viti 1999 e këndej. Ishin ato dy vitet e para kur atje ishte një këshill nacional serb që udhëhiqej nga Oliver Ivanoviq me disa të tjerë, qëllimi i tyre gjithmonë ka qenë që gazetarët shqiptarë të mos depërtojnë tutje urës mbi lumin Ibër. Dmth gjithçka që zhvillohet mbi Ibër e lart duhej të përcillej nga mediat serbe, në mënyrë që informacioni të jetë një informacion i kurdisur, një informacion i cili servohet për mediat poshtë dhe ky është duket se prap vazhdon të jetë qëllimi i njejtë i Beogradit që duke kërcënuar, duke sulmuar, duke shantazhuar mediat, gazetarët t’i ndjekë ata dhe të mos krijojë kushte për punë”, tha ai në Tëvë1./teve1.info./
