Dita e hënë nisi me tensione në komunat veriore, në Leposaviq, Zveçan dhe Zubin Potok.
Serbët lokal të këtyre komunave mëngjesin e kësaj dite tentuan të hyjnë dhunshëm në objektet e këtyre komunave, por të cilët u përballen me policinë e Kosovës si dhe KFOR-in.
Ata në forma të organizuar hodhën edhe gazë lotësjellës, duke tentuar të kalojnë kordonët e ruajtëseve të rendit.
Duke mos zgjedhur formën e sulmeve, serbët lokal filluan sulme edhe ndaj mediave që po raportonin nga atje.
Ekipit të Tëvë1, persona të panjohur fillimisht i sulmuan veturën, e brenda pak minutave të njëjtën edhe e dogjën.
Gazetari i Tëvë1, Valmir Gallopeni i cili ndodhej në vendin e ngjarjes rrëfen si ndodhi rasti.
Tutje ai tregon edhe ndjesinë që patën kur e kuptuan se ishte vetura e ekipit të tyre.
Nga kjo ngjarje ekipi i televizionit nuk ka pësuar lëndime.
Menjëherë pas djegies së veturës, këtë veprim të serbëve e ka dënuar Asociacioni i Gazetarëve të Kosovës.
Përderisa kanë theksuar se kjo është sjellje e patolerueshme, teksa i kanë bërë thirrje edhe NATO-s dhe EULEX-it që të reagojnë sa më parë në mënyrë që gazetarët të raportojnë pa u rrezikuar.
