Mbrojtësi i majtë brazilian, Fernandinho nuk është më pjesë e skuadrës llapjane KF Llapi. Lajmin për ndarjen e palëve e ka dhënë skuadra bardhekaltër, duke falënderuar brazilianin për kontributin e dhënë dhe duke i uruar suksese në aventurat e reja në karrierën e tij.
29-vjeçari brazilian ka zhvilluar 34 ndeshje në të gjitha garat këtë edicion për Llapin, ku ka realizuar dy gola dhe ka asistuar në tre të tjerë.
Njoftimi i plotë nga KF Llapi:
KF Llapi njofton opinionin se me marrëveshje të dyanshme ka vendosur të ndërpres bashkëpunimin me mbrojtësin e majtë, Fernando Augusto – Fernandinho.
Fernandinho u paraqit për klubin tonë në gjithsejt 34 paraqitje duke kontribuar me 2 gola dhe 3 asistime.
Fernandinhos i dëshirojmë shumë suksese në vazhdim të karrierës si dhe e falenderojmë për kontributin e dhënë për klubin tonë gjatë këtij edicioni.
