Zyra e BE-së në Kosovë ka dënuar veprimet e sotme të dhunshme të protestuesve në veri karshi trupave të KFOR-it.
Shefi i këtij misioni në vend, Tomas Szunyog ka dënuar aktet, të cilat lanë të plagosur disa trupa të misionit të NATO-s.
“BE-ja në Kosovë dënon fuqishëm veprimet e dhunshme të protestuesve sot në Zveçan, përfshirë përdorimin e eksplozivëve, kundër trupave të KFOR-it që ruajnë paqen. Ne përsërisim thirrjen tonë për ndalimin e menjëhershëm të dhunës dhe uljen e tensioneve”, ka shkruar ai.