Rutina e mëngjesit është shumë e rëndësishme për të gjithë.
Zgjimi dhe fillimi i ditës në një mënyrë të caktuar mund të ndikojë në humorin tuaj gjatë gjithë ditës.
Si e tillë, koha që zgjidhni për të larë dhëmbët mund të ndikojë më shumë sesa vetëm disponimin tuaj, shprehen ekspertët.
Anna Peterson, një eksperte dentare, paralajmëroi ndjekësit e saj në TikTok se ata duhet t’i lajnë dhëmbët para mëngjesit, jo pas. Larja e dhëmbëve pas mëngjesit në fakt mund t’i dëmtojë ata.
“A e dini se nuk duhet t’i lani dhëmbët pas mëngjesit? Gjithmonë më parë. Kur hani mëngjes, goja juaj bëhet acidike.
Pra, ajo që po bëni kur i lani dhëmbët pas mëngjesit është të lani acidin direkt në dhëmbë dhe kjo shkatërron smaltin”, ka shpjeguar ajo.
Ndërsa larja e dhëmbëve para mëngjesit mund të duket si një gjë e pakëndshme, Peterson thotë se ka më shumë pozitive, shkruan abcnews.al.
Larja e dhëmbëve para mëngjesit mbron dhëmbët nga çdo gjë që hani dhe parandalon shkatërrimin e smaltit.
“Pse askush nuk na e thotë këtë?” pyeti një përdorues, ndërsa një tjetër shtoi: “Unë kurrë nuk mësova asgjë për kujdesin personal kur isha në shkollë!”
