Policia e Kosovës ka arrestuar një person në Kllokot për veprën penale “Mbajtje në pronësi, kontroll ose posedim të paautorizuar të armëve’’.
Sipas njoftimit, në shtëpinë e të dyshuarit janë gjetur dhe konfiskuar një pushkë një pistoletë dhe 34 fishekë.
“Njësiti i hetimeve të Stacionit Policor Kllokot në mbështetje edhe nga njësite policore të Stacionit Policor Viti sot me datën 24.05.2023 me leje të gjyqtarit të procedurës paraprake ka realizuar një kontroll në shtëpinë dhe objektet përcjellëse të dyshuarit G.P. (viti i lindjes 1977, mashkull kosovar serb).Gjatë kontrollit janë gjetur dhe konfiskuar dëshmi për gjykatën një (1) pushkë e llojit M48, një (1) pistoletë e llojit ,,Cervena Zastava“ e kalibrit 7.65 mm dhe tridhjetë e katër (34) copa fishekë të kalibrit 7.92 mm”, thuhet në njoftim.
Kurse i dyshuari është arrestuar pas intervistimit në bazë të procedurave ligjore./teve1.info./
