Në mbledhjen e 143-të të Qeverisë së Kosovës është miratuar propozim-vendimi për ndryshimin e Këshillit Ndërministror për Kontroll të Duhanit.
Kryeministri Albin Kurti në fjalën e tij tha se formimi i këtij Këshilli Ndërministror është propozuar me qëllim të mbrojtes së shëndetit publik dhe edukimit të shoqërisë mbi efektet e dëmshme të duhanit.
Kurse ministri i Shëndetësisë, Arben Vitia theksoi se 10 vjet pas hyrjes në fuqi të Ligjit për Duhanin, Qeveria aktuale është duke ndërmarrë aksione konkrete për zbatim të këtij ligji.
“10 vjet pas hyrjes në fuqi të këtij ligji, Qeveria aktuale është duke ndërmarrë aksione konkrete për zbatimin e ligjit në veçanti inspektorët e AVUK-ut dhe Ministria e Bujqësisë bashkë me ministrin Faton Peci, me qëllim që përmes tij të ulet prevalenca e duhanpirjes në vend dhe ulja e vdekshmërisë së popullatës nga sëmundjet që vinë nga duhanpirja. Ministria e Shëndetësisë i propozon sot Qeverisë së Kosovës që të formojë Këshillin Ndërministror për Kontroll të Duhanit me qëllim mbrojtjen e shëndetiit. Këshilli do të ketë detyrë t’ju japë mbështetje shtesë trupave për zbatimin e ligit dhe të monitorojë aktivitetet që kanë për qëllim zbatimin e këtij ligji”, tha Vitia./teve1.info./