Profesori i ekonomisë, Muhamet Mustafa duke folur për sektorin e hulumtimeve dhe inovacioneve në Kosovë ka thënë se me konferencën e sotme është bërë një hulumtim i cili ka përfshirë komunitetin kërkimor për të parë se cilët janë hulumtuesit shkencorë që botojnë në revistat më të rëndësishme.
Mustafa në emisionin “Ditari” në Tëvë1, tha se kanë kontaktuar 60 hulumtues dhe të njëjtit janë intervistuar për ti dhënë mendimet e tyre rreth problemeve dhe pengesave në këtë fushë.
Teksa ka theksuar se asnjë Qeveri deri më tani nuk i ka vënë theksin e duhur problemit të kërkimeve dhe inovacioneve.
Madje sipas tij, kjo vërtetohet edhe me rangimin e Kosovës në përmasa rajonale.
“Problemet kyqe përkrahjen institucionale është se asnjë Qeveri në përgjithësi, të gjitha Qeveritë e deritashme nuk e kanë dhënë theksin e duhur nuk i kanë kushtu rëndësinë e duhur problemit të kërkimeve dhe inovacioneve dhe si rezultat i kësaj Kosova edhe në përmasa rajonale rangohet shumë keq, është e parafundit, Shqipëria fatkeqësisht është e fundit ne jemi para saj me disa parametra. Por dhe në rang botëror ekziston një raport i konkurrueshmërisë globale të cilën e boton çdo dy vjet Forumi Ekonomik i Davosit ku i rangon vendet sipas aftësive për të konkurruar, çfarë mjedisi instituciaonal, politikash etj kanë kriju, cili është përceptimi i bizneseve për atë mjedis dhe i marrin të gjitha hulumtimet e organizatave që rangojnë qoftë për transaperncë qoftë për korrupsion, për liri ekonomike etj dhe i rangojnë shtetet”, tha ai.
Kurse sa i përket investimeve në Fondet Publike, profesori Mustafa tha se ato janë shumë të vogla dhe se deri më tani shteti i Kosovës i ka investuar vetëm 0.1 për qind të buxhetit.
“Sa i përket Fondve Publike investimet tona janë shumë të vogla. Simbas Ligjit për veprimtari shkencore të Kosovës, është i obliguar shteti me investu 0.7 për qind të buxhetit, deri tash i ka investu 0.1 për qind dhe ajo me buxhet.Krejt vendet në botë e matin sa investojnë jo me buxhet po me GDP qe do të thotë 3-4 herë më shumë se kur e mat me buxhet. Nëse e kishim mat me GDP na jemi shumë larg dhe kjo 0.1 është shumë keq. Mesatarja e vendeve të rajonit duke përfshi edhe Kosovën e Shqipërinë është 05 % e produktit të brendshëm bruto, investohet në kërkime dhe zhvillim të inovacioneve”, shtoi ai./teve1.info./