Carmelo Anthony, koshashënuesi i nëntë më i mirë në histori të NBA-së, ka vendosur të tërhiqet nga basketbolli pas 19 stinorëve.
Anthony 38-vjeçar ka njoftuar për vendimin e tij të hënën nëpërmjet rrjeteve sociale.
Anthony ishte 10 herë pjesëmarrës në ndeshjen e yjeve të NBA-së, ndërsa në NBA ka shënuar 28.289 pikë me gjashtë skuadra të ndryshme. Ai nuk luajti këtë stinor, ndërsa së fundi luajti në edicionin 2021-22 me LA Lakersin.
Anthony ka luajtur për Denver Nuggetsin, New York Knicksin, Oklahoma City Thunderin, Houston Rocketsin dhe Portland Trail Blazersin, para se t’i bashkohej Lakersit.
“I mbaj në mend ditët kur nuk kisha asgjë. Vetëm një top në fushë dhe ëndrrën për diçka më tepër. Basketbolli ishte shpëtimi im. Qëllimi im ishte më i fortë”, tha Anthony.
