Kryeministri i Kosovës Albin Kurti në konferencën për medie pas takimit me senatorët amerikanë, Gary Peters dhe Chris Murphy, ka thënë se në takimin e sotëm është biseduar ndër tjerash edhe për zhvillimet aktuale politike në vend me theks të veçantë në dialogun me Serbinë.
Kurti tha se aneksi i zbatimit dhe marrëveshja bazike përbëjnë avancim të marrëdhënieve mes të dyja vendeve.
Teksa theksoi se duhet një zbatim i tërësishëm, i shpejtë dhe pa kushtëzime nga ana e Serbisë.
“Sot diskutuam poashtu mbi zhvillimet e fundit në vend, qeverisjen, arritjet, progresin dhe synimet. Bashkëbiseduam edhe për raportet me fqinjin tonë verior Serbinë dhe rezultatet e dialogut ndërmjet Kosovës dhe Serbisë të ndërmjetësuar nga Bashkimi Evropian, me theks te marrëveshja bazike dhe aneksi i zbatimit. Ato përbëjnë avancim të marrëdhenieve ndërmjet dy vendeve, prandaj na duhet zbatim i tërësishëm i shpejtë dhe pa kushtëzime”, tha Kurti.
Teksa ka falënderuar senatorët amerikanë për vizitën interesimin dhe kontributin e tyre të vazhdueshëm për fuqizimin e lidhjeve mes vendeve.
Ndryshe gjatë ditës senatorët amerikanë kanë zhvilluar një takim edhe me presidenten Vjosa Osmani.
Osmani pas takimit ka thënë se lidhja e pathyeshme është bazuar në vlerat e përbashkëta të lirisë dhe demokracisë./teve1.info./