“Në një kohë kur Perëndimi po minon hapur të gjitha themelet mbi të cilat bazohet sistemi ndërkombëtar, sigurisht që ne – si dy fuqi të mëdha – duhet të mendojmë se si të vazhdojmë në këtë botë”, citohet të ketë thënë Lavrov, ka raportuar agjencia e lajmeve ruse, Interfax.
Në një telefonatë të premten, presidenti i SHBA Joe Biden paralajmëroi udhëheqësin kinez Xi Jinping për “implikime dhe pasoja” për Kinën nëse Pekini i jep mbështetje Rusisë për luftën, ka thënë Shtëpia e Bardhë, raporton BBC, transmeton Teve1.info.
Media shtetërore kineze ka raportuar se Xi e ka përshkruar luftën si diçka që “që nuk është në interesin e askujt”, por nuk përmendej ndonjë kritikë e drejtpërdrejtë ndaj Presidentit Putin.
Sipas disa raporteve të fundit në media, Rusia i ka kërkuar Kinës pajisje ushtarake për të mbështetur pushtimin e saj në Ukrainë. /teve1.info/
