Në ceremoninë e ushtrimit më të madh ushtarak ndërkombëtar “Defender Europe ‘23”, ka marrë pjesë edhe ambasadori amerikan, Jeffrey Hovenier.
Hovenier është shprehur se modeli për sigurinë e Kosovës është që të fuqizohen parterët në tërë rajonin.
“Ushtrimi ka një qëllim kritik që të shfaq përkushtimin e aleatëve dhe partnerëve tanë evropianë, për të përmirësuar shkallën, kapacitetet dhe ndërveprueshmërinë e ushtrive të tyre. Në këtë stërvitje, pothuajse 9 mijë ushtarak amerikan do t’i bashkohen 17 mijë pjesëtarëve të forcave ushtarake evropiane në 10 vende të ndryshme dhe kjo është diçka e madhe”, tha ai.
Sipas ambasadorit, modeli i mbrojtjes kolektive është shumë i ndryshëm nga modelet që mund të përdorin fuqitë e tjera botërore.
“Do ta vini re se ky model i ri, model i mbrojtjes kolektive është shumë i ndryshëm nga modelet që mund të përdorin fuqinë e tjera botërore. Modeli ynë për sigurinë e Kosovës është që t’i fuqizojmë dhe forcojmë partnerët tanë në tërë rajonin e jo duke iu diktuar veprimet që duhet t’i marrin”, tha ambasadori. Me siguri më është thënë që kjo është ndërmarrja më e madhe dhe më ambicioze që FSK-ja ka ndërmarrë deri tani. Në më pak se katër vjet prej krijimit të FSK-së, kemi qenë të mahnitur dhe të lumtur me përparimin e FSK-së dhe me mirënjohjet e shumta gjatë historisë së saj profesionale”, tha Hovenier. /teve1.info/
