Boris Ruge është emëruar Ndihmëssekretar i Përgjithshëm për Çështjet Politike dhe Politikën e Sigurisë në NATO.
Kështu ka bërë të ditur vetë Ruge përmes një postimi në Twitter.
“Faleminderit Sekretarit të Përgjithsëm Jens Stoltenberg për besimin në mua dhe që më emëroi Ndihmëssekretar të Përgjithshëm të ardhshëm për Çështjet Politike dhe Politikën e Sigurisë. Kjo do të jetë hera ime e tretë që punoj për NATO-n. Nuk do të dëshiroja të isha askund tjetër në këtë moment kritik për sigurinë transatlantike”, ka shkruar Ruge.
“Mezi pres të punoj me ekipin e shkëlqyeshëm në Divizionin e Çështjeve Politike dhe Politikave të Sigurisë në NATO, duke zëvëndësuar kolegen dhe miken time Bettina Cadenbach, gruaja e parë që ka mbajtur këtë pozicion”.
Ruge përndryshe ka punuar në selinë e NATO-s në Bruksel gjatë fushatës së bombardimeve ajrore në Kosovë dhe më vonë shërbeu si këshilltari kryesor politik i dy komandantëve të njëpasnjëshëm të KFOR-it.
