Real Madridi mund të jetë pa sulmuesin Karim Benzema për ndeshjen e kthimit ndaj Manchester Cityt në kuadër të gjysmëfinales së Ligës së Kampionëve.
Mediumet spanjolle kanë raportuar të premten se Benzema nuk ka stërvitur fare me ekipin ditët e fundit dhe nuk dihet nëse do të jetë i gatshëm për duelin e dytë, i cili luhet javën tjetër në Manchester.
Te Reali po shpresojnë që Benzema t’i tejkalojë problemet fizike dhe të jetë i gatshëm për ndeshjen vendimtare.
Dueli i parë mes Realit dhe Cityt, i zhvilluar të martën në Madrid, ka përfunduar me rezultatin 1:1. 25-vjeçari është sulmuesi kryesor i Realit dhe këtë edicion ka pasur telashe me lëndimet.
Megjithatë, ai ka shënuar 29 gola në të gjitha garat deri më tani.
