Drejtuesit e Barcelonës edhe zyrtarisht kanë nisur negociatat me sulmuesin e krahut, Ousmane Dembele, për kontratën e re.
“Mundo Deportivo” shkruan të premten se Barça tashmë i ka ofruar francezit kontratë të re pesëvjeçare për ta mbajtur në “Camp Nou” deri në vitin 2028.
Te Barcelona po duan me çdo kush ta bindin Dembelen për të mbetur më gjatë pjesë e ekipit, pasi kontrata aktuale i skadon vitin tjetër.
Po ashtu 25-vjeçari ka edhe një klauzolë lirimi prej 50 milionë eurosh dhe tashmë ka tërhequr interesimin e skuadrave të tjera.
Ai është pjesë e Barcelonës prej vitit 2017, ndërsa këtë sezon ka 8 gola e 7 asistime në 30 ndeshje të luajtura.