Mbrojtësi Thiago Silva nuk do të jetë pjesë e Chelseat sezonin e ardhshëm. Braziliani do të largohet këtë verë nga ekipi londinez, pasi tashmë ka kërkuar shkëputjen e kontratës që i skadon vitin tjetër.
“Daily Mail” shkruan të premten se Thiago po dëshiron të rikthehet në Brazil për ta mbyllur karrierën dhe tashmë është në negociata me Chelsean për shkëputjen e kontratës.
Ai muaj më parë rinovoi kontratën edhe për një vit me Chelsean, por kur në krye të ekipit ishte trajneri Graham Potter.
Situata e krijuar kohët e fundit te Chelsea, ka bërë që Thiago ta kërkojë largimin si lojtar i lirë. 38-vjeçari këtë sezon ka regjistruar 32 paraqitje në të gjitha garat, ndërsa është pjesë e Chelseat prej vitit 2020.
