Policia e Kosovës ka realizuar sot një operacion në disa rajone të ndryshme të Kosovës. Lajmin për teve1.info e ka konfirmuar zëdhënësi i policisë së Kosovës, Baki Kelani.
“Policia e Kosovës, me njësitet e saj relevante ka realizuar një operacion policor, në disa rajone/lokacione të ndryshme, me qëllim të hetimit dhe parandalimit të veprimtarive kriminale”, ka thënë Kelani.
Kelani nuk ka dhënë detaje tjera, teksa ka thënë se “pas përfundimit të veprimeve policore, pritet të jepen informacione shtesë”. Kurse në media është raportuar se operacioni është zhvilluar në Gllarevë të Klinës dhe se janë konfiskuar substanca narkotike.