Policia në Ferizaj ka arrestuar një 26-vjeçar me inicialet G.H, pasi mbrëmë gjatë kontrollimit të automjetit të tij në rrugën ‘’Hamzë Jashari ’’, ka gjetur një karikator me një fishek, sasi të substancës narkotike dhe një mulli për bluarjen e substancave narkotike.
Ndërkaq më pas është bastisur edhe banesa e të dyshuarit, ku janë gjetur dy armë zjarri ( pistoleta) dhe një fishek, raporton teve1.info
“Gjatë legjitimimit të shoferit dhe kontrollimit të automjetit, policia ka gjetur një karikator me një fishek, sasi të substancës narkotike dhe një mulli për bluarjen e substancave narkotike. I dyshuari G.H ( M/K) i moshës 26 vjeçar është shoqëruar në stacionin e policisë në Ferizaj dhe pas intervistimit nga policët hetues, me vendim të prokurorit të rastit është ndaluar në mbajtje për 48 orë për procedura të mëtejme hetimore, ndërsa rasti është cilësuar ‘’Mbajtje në pronësi, kontroll ose posedim i paautorizuar i armëve’’ dhe ‘’Posedim i paautorizuar i substancave narkotike psikotrope ose analoge’’, thuhet në njoftim.
