Administratorja e Agjencisë Amerikane për Zhvillim Ndërkombëtar (USAID), Samantha Power ndodhet për vizitë në Kosovë pas vizitës që kishte në Serbi.
Ajo nesër do të pritet në takim nga kryeministri Kurti prej orës 15:00, ka bërë të ditur Zyra e Kryeministrit.
Kurti së bashku me Power dhe ministren e Ekonomisë, Artane Rizvanolli, bëhet e ditur do të shpallin ankandin e parë për parkun me energji solare me kapacitet prej 100MW.
“Ftohen të gjitha mediet e interesuara që ta ndjekin këtë ngjarje që deri nesër, e premte, në ora 11:30 të regjistrohen për këtë ngjarje duke dërguar emrat e ekipeve të tyre në [email protected]”, thuhet në njoftimin e ZKM-së.
