Nënkryetari i Partisë Demokratike të Kosovës, Enver Hoxhaj ka shprehur frikën e tij, se kryeministri Albin Kurti do ta pranojë draft-statutit e Asociacionit të prezantuar nga Ekipi Menaxhues në takimin e Brukselit më 2 maj.
Ai ka thënë se Qeveria aktuale dikur e nuk e pranonte as planin franko-gjerman, por që në fund siç tha Hoxhaj u pranua.
“Kam frikë se kështu do t’ia bëjnë edhe Asociacionit, njëherë thonë se është i papranueshme, ekipi ka qenë i papranueshëm dhe e kemi shkarkuar, kemi ide kreative dhe në fund do ta pranojnë pikërisht këtë dokument Bruksel”, ka thënë ai në një intervistë për emisionin “Ditari” në Tëvë 1.
Ai thotë se refuzimi i këtij draft-statuti dhe shkarkimi i Ekipit Menaxhues nga Qeveria është teknik për manipulimit të opinionit, të cilën Hoxhaj tha se Kurti e bënë në mënyrë përfekte.
“Vendimi që të shkarkohet ekipi një ditë pas prezantimit të drafitit është më shumë një teknik e manipulimit të opinionit të cilën z.Kurti e bënë perfekt, këtu duhet t’ia pranojmë secili, është i pa shembull në historinë e Kosovës”, ka thënë nënkryetari i PDK-së.
Ish-ministri i Jashtëm komentoi edhe propozimin e kryeministrit Kurti për Asociacionin sipas modelit kroat.
Ai tha se Kurti e ka për detyrë të paraqes opsione, por sipas tij këtë Kurti është dashur ta bëjë para pranimit të planit franko-gjerman.
Sipas tij, pas pranimit të nenit të 7-të nga ky planë një propozim i tillë është i vonuar.
“Modeli kroat do duhej të propozohej në verën e vitit të kaluar, para palnit franko-gjerman dhe jo pas planit…Jo pas neni 7-të dhe vetmenaxhimi u jep të drejtë territoriale serbë në Kosovë që të organizohen si komunitet në kuadër të një Asociacioni të ardhshëm dhe i jep kishës serbe eksterritorialitet. Mas pranimit të nenit të 7-të mendoj se është shumë vonë”, ka thënë Hoxhaj./teve1.info/