Disa organizata të shoqërisë civile i kanë reaguar Qeverisë, e cila propozoi shkarkimin e vetëm një anëtareje të bordit të OShP-së, më saktësisht Kryetares së Panelit Shqyrtues në rastin e insulinave, Kimete Gashi.
Këto organizata vlerësojnë se ky është vendim selektiv, i cili aministon nga përgjegjësia anëtarët e tjerë të Bordit të OShP-së që votuan po ashtu pro importit të insulinave pa autorizim – marketing.
“Andaj, OJQ-të e poshtëshënuara kërkojnë nga Qeveria e Republikës së Kosovës që të mos aplikojë qasje selektive ndaj anetarëve të OShP-së, të plotësojë/ndryshojë vendimin për propozimin për shkarkim edhe me anëtarët e tjerë të OShP-së që përmes votimit të tyre kanë mundësuar që në Kosovë të importohen insulina pa autorizim – marketing”, thuhet në një komunikatë.
