Presidenti i Serbisë, Aleksandar Vuçiq është takuar me kryetarin e Parlamentit austriak, Wolfgang Sobotka.
Përmes një postimi në Instagram, Vuçiq ka njoftuar se gjatë takimit me Sobotkën ka theksuar se procesi i mëtutjeshëm i normalizimit të marrëdhënieve me Kosovën, varet nga formimi i Asociacionit të komunave me shumic serbe.
“Falënderova Wolfgang Sobotkën për mbështetjen që Austria po i jep Serbisë në rrugën drejt anëtarësimit në BE. Gjithashtu diskutuam për forcimin e marrëdhënieve dypalëshe dhe bashkëpunimin ekonomik, që përfshin një fluks më të madh të investimeve austriake. Sa i përket dialogut me Kosovën, edhe një herë e theksova se procesi i mëtutjeshëm i normalizimit varet nga formimi i Asociacionit të komunave me shumicë serbe”, tha Vuçiq.