Kryetari i Kuvendit Komunal të Zubin Potokut, Slavisha Bishevac nga Iniciativa Qytetare për Zubin Potokun, dje ka dhënë dorëheqje nga pozita e tij në këtë komunë.
Qëllimi raportohet nga Kossev është të parandalohet në mënyrë demokratike marrja e detyrës nga kryetari i sapozgjedhur, Izmir Zeqiri.
Bishevac u bë kryetar i Kuvendit Komunal të Zubin Potokut me sistemin automatik, pasi serbët nga veriu u larguan nga institucionet e Kosovës, duke përfshirë edhe pushtetin lokal, në fund të nëntorit të vitit të kaluar.
Në atë kohë, pozitat e këshilltarëve mbetën vakante në katër komuna. Për dallim nga Zveçani dhe Leposaviqi, në Mitrovicë të Veriut dhe Zubin Potok – këshilltarëve që automatikisht ishin të radhës në listë, iu dha mundësia për të plotësuar vendet e lira.
Në fund të dhjetorit, gjegjësisht gati dy muaj pas largimit nga institucionet në këtë komunë, gjegjësisht në Zyrën për Minoritete në fshatin Çabër, u mbajt seanca në të cilën 13 këshilltarë të nacionalitetit shqiptar nga LDK, PDK dhe Vetëvendosje u betuan.
Më pas, më 26 janar të këtij viti, tre këshilltarët e Iniciativës Qytetare për Zubin Potokun, së bashku me kryetarin, vendosën që të marrin mandatet e tyre, siç sqaruan atëherë, në mënyrë që shqiptarët të mos qeverisin të pavarur në këtë komunë.
“Dëshiruam që të ndalojmë marrjen e detyrës nga kryetari i ri, duke dhënë dorëheqje nga posti i kryetarit, i cili duhet ta thërrasë atë Kuvend. Në këtë mënyrë duam të pengojmë që kryetari i ri të marrë detyrën në Zubin Potok, ku shumica absolute e popullsisë janë serbe”, thuhet nga Iniciativa.
