Zëvendësministri i Ekonomisë, Getoar Mjeku thotë se kapitali i Fondit Sovran varet nga numri i ndërmarrjeve që do të kalojnë në këtë fond.
Megjithatë Mjeku është shprehur i bindur që ky mekanizëm do të arrijë miliarda euro kapital.
“Kjo do të varet pastaj edhe nga numri i ndërmarrjeve që kalojnë në fond. Mbase duke e llogarit vlerën e të gjitha aseteve të ndërmarrjeve publike që synojmë t’i propozojmë me u bartë te Fondi Sovran dhe asetet nga Agjencia e Privatizimit, natyrisht që do t’i arrijë miliardat por nuk po jap një shifër të preme sepse mendoj që krahas investimeve kapitale, do të shohim një rritje shumë të madhe të vlerës së këtyre ndërmarrjeve. Ideja është që jo vetëm t’i administrojmë ndërmarrjet por t’i mbarështojmë. Edhe pse ky term më së shumti përdoret në bujqësi e blegtori, por ne synojmë që përveç përkujdesjes për sendin edhe t’ia rritim vlerën”, ka thënë ai në Ditari në Tëvë 1.
Mjeku ka folur edhe për mbështetjen në Kuvend nga opozita. Ai tha se nga reagimet e para nuk duket se do të ketë mbështetje, por tha se do të ishte mirë që të mbështetet nga të gjithë.
https://teve1.info/lajmet/zv-ministri-i-ekonomise-tregon-shembujt-qe-mori-kosova-per-krijimin-e-fondit-sovran/
