Drita do të përballet me Ballkanin në ndeshjen kryesore të këtij viti në futbollin kosovar. Gjilanasit janë të parët në tabelë me 66 pikë, tre më shumë se kampioni në fuqi Ballkani.
Trajneri i Dritës, Akis Vavalis ka thënë se beson se do të jenë në nivelin e duhur për këtë takim.
“Besoj se nesër do të jemi në nivelin e duhur për këtë ndeshje dhe nuk do mendojmë për faktin që jemi tri pikë para tyre”, tha Vavalis.
Tutje i pari i shtabit teknik të gjilanasve falënderoi tifozët e Dritës, Intelektualët për mbështetjen e madhe.
“Dua t’i falënderoj tifozët për mbështetjen që na kanë dhënë kundër Llapit dhe patjetër shpresoj që do të na mbështesin edhe nesër në numër sa më të madh, pavarësisht që ne nuk e kemi stadiumin që mund t’i zë të gjithë”, ka thënë trajneri ynë Vavalis.
Ndërkohë, trajneri njoftoi se nesër me shumë gjasë do të mungojë Almir Ajzeraj, ndërsa grupi tjetër është i gatshëm për lojë.
