Presidentja e Kosovës, Vjosa Osmani, ka përkujtuar akademik, Fehmi Aganin, në 24-vjetorin e vrasjes.
Osmani ka thënë se kujtojmë me respekt akademikun, figurën emblematike të lëvizjes për lirinë e Kosovës.
“Sot e kujtojmë me respekt akademik Fehmi Aganin, figurën emblematike të lëvizjes për lirinë e Kosovës, njeriun që përkushtimin e tij ndaj dijes e arsimit e kombinoi me aktivitetin politik, duke qenë dorë e djathtë e presidentit historik, dr.Ibrahim Rugova, me të cilin u angazhua deri në vdekje në përmbushjen e idealit për Kosovën shtet të pavarur”, thuhet në njoftimin e Presidencës së Republikës së Kosovës.
Presidentja ka thënë se vizioni dhe trashëgimia e tij për Kosovën do të jetë frymëzim për brezat.
“Kujtimi për akademik Aganin do të jetë i përhershëm, kurse sjellja e autorëve të krimit para drejtësisë përkushtim i yni i vazhdueshëm!”, thuhet në njoftim.
Më 6 maj të vitit 1999, në agun e lirisë, vizionari e përbashkuesi, akademik Agani u vra mizorisht nga forca të regjimit gjenocidal të Serbisë. /teve1.info/