Mbrojtësi Sergio Ramos nuk do të largohet nga Paris Saint-Germaini në fund të sezonit, pasi pritet së shpejti ta rinovojë kontratën që i skadon këtë verë.
“FootMercato” ka bërë të ditur të premten se Ramos tashmë është në bisedimet me krerët e Parisit dhe marrëveshja mes palëve është shumë afër finalizimit.
Me rinovimin e kontratës, Ramos do të jetë pjesë e Parisit edhe edicionin e ardhshëm, si dhe do ta ketë opsionin e vazhdimit edhe për një vit tjetër.
Spanjolli 37-vjeçar po vlerësohet ende i rëndësishëm për Parisin, ekip të cilit iu bashkua si lojtar i lirë në vitin 2021. Në 40 paraqitje deri më tani këtë edicion, Ramos ka kontribuuar me 3 gola dhe 1 asistim.
