Sot në Obiliq, në Ditën e Dëshmorëve të Kombit është zbuluar shtatorja e heroit, Fahri Fazliu. E kryetari i Aleancës për Ardhmërinë e Kosovës, Ramush Haradinaj ka thënë se Fahri Fazliu i takon brezit të hershëm të lëvizjes për liri, shkruan teve1.info
Haradinaj ka publikuar pamje nga zbulimi i shtatores, teksa ka thënë se kontributi jetësor në shërbim të lirisë së Atdheut do të nderohet ndër breza.
“Fahri Fazliu i takon brezit të hershëm të lëvizjes për liri, brezit të luftëtarëve të cilët ranë me armë në dorë për çlirimin e Kosovës. Pikërisht në Ditën e Dëshmorëve, ai po përjetësohet në bronz, në qendër të Obiliqit”, ka shkruar Haradinaj.
“Kontributi i tij jetësor në shërbim të lirisë së Atdheut do të nderohet ndër breza!”, shtoi ai.